போவோமா ஊர்கோலம் - 4: இயற்கையின் பேரதிசயம் அப்சரகொண்டா அருவி

இந்தியா முழுவதும் பைக் ரைட் செல்வதென ஆரம்பித்து நாம் முதலில் சென்றது முர்டேஷ்வர். கர்நாடக மாநிலத்தில் அரபிக் கடலோரம் உள்ள ரம்மியமான ஒரு இடம் முர்டேஷ்வர். மிகப்பெரிய சிவன் சிலை, பிரம்மாண்டமான ராஜகோபுரம், கடற்கரையில் மழையில் நனைந்தது என ஒரு நாள் முழுவதும் முர்டேஷ்வரில் சுற்றி வந்தோம்.

பயணக் களைப்பெல்லாம் பறந்தோட, அடுத்த இடம் நோக்கி பயணத் திட்டத்தைத் துரிதப்படுத்தினோம். அடைமழை வெளுத்து வாங்கிய மறுநாள் காலை, ரெயின்கோட் சகிதம் தயாராகி கோவாவை நோக்கி கிளம்பினோம்.