டிஜிட்டல் கில்லாடி ஆகலாம்! - 4: மனப்பாட முறையை நம்பாதே, பயிற்சியை நம்பு!

நவீன தொழில்நுட்பம் என்பது கணிதம், விஞ்ஞானம், பொறியியல், மென்பொருள் ஆகியவற்றின் கலவையாகும். இதற்கு தேவையான அடிப்படை அறிவு கூட்டல், கழித்தல், பெருக்கல் மற்றும் வகுத்தல் என்று கடந்த வாரமே பார்த்தோம்.

மேலும் துறை சார்ந்த அறிவு (Domain Knowledge) மிகவும் முக்கியம். அதற்கு பிறகு தேவையானது பயிற்சி, பயிற்சி, பயிற்சி. நவீன தொழில்நுட்பம் என்பது மனப்பாடம் செய்யும் அறிவு அல்ல, அது திறமை சார்ந்தது. ஒரு சிறிய செயலை பலமுறை செய்து பார்த்தால் திறமை தானாக வளரும். இது கார் ஓட்டுவது, படம் வரைவது, பாட்டு பாடுவது போன்றது.