சைபர் புத்தர் சொல்கிறேன் - 3: இணைய ரகசியம் கொடுக்கும் துணிச்சல்

தன்னை பற்றி நீங்கள் என்ன கருதுகிறீர்கள் என உங்களிடம் நண்பர் கேட்கிறார் என வைத்துக்கொள்வோம். உங்களுக்கு அவரை பிடிக்கவில்லை. இருந்தாலும் முகத்தில் அடித்தார்போல சொல்ல ஒருவித தயக்கம் உள்ளது. கொஞ்சம் போல நல்ல விதமாகச் சொல்லுவீர்கள்.

அதையே அவர் தொலைபேசியில் கேட்டால், கொஞ்சம் உண்மையைச் சொல்வீர்கள். அதையே உங்களுடைய பெயரை குறிப்பிடாமல் ஒரு காகிதத்தில் தட்டச்சு செய்து தரச் சொன்னால்? அப்படியே உண்மையைப் போட்டு உடைத்துவிடுவீர்கள். நம்முடைய அடையாளம் எவ்வளவு தூரம் மறைக்கப்படுகிறதோ அந்த அவ்வளவு நம் மனதில் உள்ளதை வெளியே சொல்லுவோம். ஒருவேளை நம்முடைய மனதில் தீய விஷயங்கள் இருந்தால்?