ஆன்லைனில் இன்று முதல் கால்நடை மருத்துவ படிப்புக்கு விண்ணப்பிக்கலாம்

தமிழ்நாடு கால்நடை மருத்துவ அறிவியல் பல்கலைக்கழகத்தின் கீழ் சென்னை, நாமக்கல், திருநெல்வேலி, ஒரத்தநாடு ஆகிய இடங்களில் கால்நடை மருத்துவக் கல்லூரிகள் உள்ளன. இக்கல்லூரிகளில் கால்நடை மருத்துவம் மற்றும் பராமரிப்பு பட்டப்படிப்பு (பிவிஎஸ்சி. - ஏ.ஹெச்), உணவு, கோழியின மற்றும் பால்வளத் தொழில்நுட்ப பட்டப்படிப்புகள் (பி.டெக்) உள்ளன. பிளஸ் 2 மதிப்பெண் அடிப்படையில் இந்த படிப்புகளுக்கு மாணவர் சேர்க்கை நடைபெறுகிறது.

www.tanuvas.ac.in மற்றும் www2.tanuvas.ac.in என்ற இணையதளங்களில் இன்று காலை 10 மணி முதல் செப்டம்பர் 28-ம் தேதி மாலை 6 மணி வரை விண்ணப்பிக்கலாம். என்ஆர்ஐ மாணவர்கள் அக்டோபர் 23-ம்தேதி மாலை 6 மணி வரை விண்ணப்பிக்க அவகாசம் அளிக்கப்படுகிறது. இணையதள விண்ணப்பங்கள் மட்டுமே ஏற்றுக் கொள்ளப்படும் என்று அறிவிக்கப்பட்டுள்ளது.