சாலை விதிகளை மதிப்போம் விபத்தைத் தவிர்ப்போம்!

கடந்த 2020-ம் ஆண்டில் மட்டும் இந்தியாவில் 2 லட்சத்து 65 ஆயிரத்து 343 விபத்துக்கள் நடந்துள்ளன. இதில் 91 ஆயிரத்து 239 பேர் இறந்துள்ளனர் என்று மத்திய சாலை போக்குவரத்து அமைச்சகம் அறிக்கை வெளியிட்டுள்ளது.

இது 2020-ம் ஆண்டுக்கான கணக்கெடுப்பு என்பதால் கூடுதல் அதிர்ச்சி அளிக்கும் செய்தியாக இதை கருத வேண்டியுள்ளது. ஏனெனில் கரோனா பெருந்தொற்று காரணமாக நீண்ட நாட்கள் நாம் அனைவரும் ஊரடங்கு பிறப்பிக்கப்பட்ட நிலையில் வாழ்ந்த காலமது.