கல்வி தரும் உணவு

ஈரோடு மாவட்டம் அந்தியூர் ஊராட்சி ஒன்றிய நடுநிலைப் பள்ளியில் மதிய உணவு சாப்பிட்ட 129 மாணவ மாணவிகளுக்கு வாந்தி மயக்கம் ஏற்பட்ட சம்பவத்தில் அந்த பள்ளிக்கூடத்தின் சத்துணவு அமைப்பாளர், சமையல் பணியாளர் இடைநீக்கம் செய்யப்பட்டுள்ளனர்.

குழந்தைகளுக்கு வழங்கப்பட்ட சத்துணவில் பல்லி இறந்து கிடந்ததாகக் கூறப்படுகிறது. இதை சாப்பிட்டவர்களுக்கு வாந்தி மயக்கம் ஏற்பட்டு மருத்துவமனையில் அனுமதிக்கப்பட்டனர். பின்னர் சிகிச்சை முடிந்து அனைவரும் பாதுகாப்பாக வீடு திரும்பியுள்ளனர். 157 மாணவர்கள் இந்தப் பள்ளிக்கூடத்தில் படித்து வரும் நிலையில் அவர்களில் 80 சதவீதத்தினருக்கு இந்த அசம்பாவிதம் நிகழ்ந்திருப்பது மிகப்பெரும் கொடுமை.