மகத்தான மருத்துவர்கள் - 28: குழந்தைகளின் உயிர் காவலனான ‘டாக்கா உப்புக்கரைசல் ’

போரினால் படுகாயம் அடைந்த வீரர்கள் மற்றும் அப்பாவி மக்கள், ஊரெங்கும் பரவிய கொள்ளை நோயால் பாதிக்கப்பட்ட குழந்தைகள் இவர்கள் அனைவரையும் மீட்க மேற்கு வங்கத்தின் பங்கான் கிராமத்தில் அகதிகள் முகாமுக்கு டாக்டர் திலீப் சென்றார்.

முதல் நாள் டாக்டர் திலீப்பும் உடன் சென்ற மருத்துவர்களும் உள்ளே நுழைந்தபோது இரண்டே இரண்டு அறை கொண்ட அந்த சிறிய மருத்துவமனையில் இருக்க கொள்ளாமல் காலராவால் பாதிக்கப்பட்ட நூற்றுக்கணக்கான நோயாளிகள் தவித்து கொண்டிருந்தனர்.