நீங்க ‘பாஸ்' ஆக வேண்டுமா? - 26: அதிக லாபம் அள்ளித் தரும் தங்க பத்திர‌ம்

பங்குச் சந்தையின் சரிவு, பண‌ மதிப்பு வீழ்ச்சி ஆகியவற்றால் முதலீட்டாளர்களின் பார்வை, உறுதியான லாபம் தரும் தங்கத்தின் பக்கம் திரும்பி இருக்கிறது. இதனால் தங்கத்தில் முதலீடு செய்வோரின் எண்ணிக்கை நாளுக்குநாள் அதிகரித்து வருகிறது. இன்னொரு பக்கம் தங்கத்தின் விலையும் நாளுக்குநாள் அதிகரித்துக்கொண்டே செல்கிறது. இதனால் ஏழை மற்றும் நடுத்தர வர்க்கத்தினரால் அத்தியாவசிய தேவைக்காக கூட தங்கம் வாங்க முடிவதில்லை.

ஒரே சமயத்தில் மொத்தமாக பணம் சேர்த்து தங்கத்தை நகையாகவோ, நாணயமாகவோ வாங்குவது சிரமமான ஒன்று. எனவே கையில் இருக்கும் குறைந்த பணத்தைக் கொண்டு தங்கத்தை வாங்குவதற்கு சில அங்கீகரிக்கப்பட்ட‌ மாற்று வழிகளும் இருக்கின்றன. அவை, தங்க இ.டி.எஃப். (Gold ETF), தங்கப் பத்திரம் (SGB), டிஜிட்டல் தங்கம் ஆகியவை ஆகும்.