ஈசியா நுழையலாம்! - 3: கட்டிடக்கலை பொறியாளராக உதவும் `நாட்டா’!

வழக்கமான பொறியியல் படிப்புகளுக்கு மாற்றாக பயில விரும்புவோர் கட்டிடக்கலை வடிவமைப்பு பொறியாளர் படிப்பான பி.ஆர்க்., படிப்பில் சேரலாம். நாட்டின் தலைசிறந்த உயர்கல்வி நிறுவனங்களில் பி.ஆர்க் கட்டிடக்கலை வடிவமைப்பு பொறியாளர் படிப்பில் சேர ‘நாட்டா’ என்ற நுழைவுத் தேர்வு உதவுகிறது.

கட்டுமான பொறியியலில் பி.இ., சிவில் படிப்பை விட பி.ஆர்க்., படிப்பு நுட்பமானது. கட்டுமானங்களுக்கான திட்டமிடல், வடிவமைப்பு, அலங்காரம், வரைகலை உள்ளிட்டவை பி.ஆர்க்., படிப்பில் முக்கிய இடம் பிடித்திருக்கும். மேலும் பி.இ. சிவில் படித்தவர்கள் அளவுக்கு பி.ஆர்க்., படித்தவர்கள் களத்தில் அலையத் தேவையில்லை. இதனால் மகளிர் மத்தியிலும் பி.ஆர்க்., படிப்பில் சேர ஆர்வம் கொண்டோர் அதிகம். இந்த ஐந்தாண்டு பி.ஆர்க்., படிப்பில் சேர நாட்டா (NATA - National Aptitude Test in Architecture) நுழைவுத் தேர்வு உதவுகிறது.