ர​யில்​வே​யின் பொறி​யியல் அற்புதமான செனாப், அஞ்ஜி பாலங்கள்: ஸ்ரீநகருக்கு வரும் சுற்றுலா பயணிகளை கவரும் என எதிர்​பார்ப்பு

இந்திய ரயில்​வே​யின் பொறி​யியல் அற்புதமாகத் திகழும் செனாப், அஞ்ஜி ரயில் பாலங்கள் வழியாக, வரும் ஜனவரி​யில் ரயில்களை இயக்க ரயில்வே நிர்​வாகம் திட்​ட​மிடப்​பட்​டுள்ளது. இந்த ரயில் பாலங்கள் வழியாக ரயில்​களில் செல்​லும்போது, சுற்றுலாப் பயணி​களுக்கு பிரமிப்புடன் கூடிய புதிய அனுபவம் கிடைக்​கும் என எதிர்​பார்க்​கப்​படு​கிறது.

இந்தியா​வின் வடஎல்லை மாநிலமான காஷ்மீரில் இருந்து கடைக்​கோடி​யில் உள்ள கன்னியாகுமரி வரை தடையில்லாத போக்கு​வரத்து வசதி ஏற்படுத்த மத்திய அரசு முயற்சி எடுத்து வருகிறது.இதன் ஒரு பகுதி​யாக, உதம்​பூர் -ஸ்ரீநகர்- பாரா​முல்லா ரயில் இணைப்புகடந்த 1999-ம் ஆண்டு திட்​ட​மிடப்​பட்டு, பல்வேறு கட்டமாக நடைபெறுகிறது.

தற்போது, இத்திட்டம் பல்வேறு பெரிய சவால்களை கடந்து நிறைவடை​யும் தருவா​யில் உள்ளது. இவற்றில் செனாப் பாலம், அஞ்ஜி பாலம் ஆகியவை முக்​கி​யத்துவம் பெற்றுள்ளன. காஷ்மீர் மாநிலம் ரியாசி மாவட்​டத்​தில், ரியாசி - சங்கல்​தான் இடையே செனாப் ஆற்றுக்கு மேலே இரும்பு கம்பிகளாலான பிரம்​மாண்ட செனாப் பாலம் ரூ.1,486 கோடி​யில் உருவாக்​கப்​பட்​டுள்​ளது. இந்த பாலம் கட்டும் பணி 2012-ம் ஆண்டு தொடங்கி நடப்​பாண்​டில் நிறைவடைந்​தது.

467 மீட்டர் நீள வளைவு தூண்: இப்பாலத்​தின் கட்டு​மானப் பணிகளை கொங்கன் ரயில்வே கார்ப்​பரேஷன் ஆலோசனை முகவராக இருந்து செயல்​படுத்​தி​யது. இப்பாலப் பணியில் 467 மீட்டர் நீளம் கொண்ட வளைவு தூணை ஆற்றின் இருபக்​கங்​களில் இருந்து பாலத்​துடன் இணைப்பது பெரும் சவாலாக இருந்​தது.

இதுகுறித்து கொங்கன் ரயில்வே கார்ப்​பரேஷன் துணை தலைமை பொறி​யாளர் மல்லிக் கூறும்போது, “இப்​பணி​யில் 2,200 தொழிலா​ளர்கள் ஈடுபட்​டனர். கடும் குளிருக்கு மத்தி​யில் 24 மணி நேரமும் பணிகள் நடைபெற்று வந்தன.

இந்த பாலத்​தில் மணிக்கு 100 கி.மீ. வேகத்​தில் ரயில்கள் செல்ல முடி​யும். இப்பாலம் 120 ஆண்டுகள் தாங்​கும் விதமாக வடிவ​மைக்​கப்​பட்​டுள்​ளது. இந்த பாலம் மைனஸ் 10 டிகிரி செல்​சியஸ் குளிர் முதல் 40 டிகிரி செல்​சியஸ் வரையிலான வெப்​பத்தை தாங்​கக்​கூடியது” என்றார்.

அஞ்ஜி பாலம், ரியாசி மாவட்​டத்​தில் கட்டப்​பட்​டுள்​ளது. கத்ரா - பெனி​கால் இடையே அஞ்ஜி ரயில் பாலம் நடுவில் பிரம்மாண்ட தூண்​களுடன் இருபுற​மும் 96 ராட்சத இரும்பு கம்பிகளால் இணைக்​கப்​பட்ட தொங்​குபாலமாக அமைந்​துள்ளது. இந்த பாலம் 725.5 மீட்டர் நீளம் கொண்​டது. ரூ.435 கோடி​யில் கட்டப்​பட்​டுள்​ளது. இப்பாலத்​துக்கு மத்தி​யில் 193 மீட்டர் நீளத்​தில் ஒற்றை தூண் மூலமாக அடித்​தளம் அமைக்​கப்​பட்​டுள்​ளது.

பெரும் சவால்: இப்பாலம் குறித்து கொங்கன் ரயில்வே கார்ப்​பரேஷன் தலைமை பொறி​யாளர் சுஜய்​கு​மார் கூறும்போது, “இப்​பாலப் பணி 2018-ம் ஆண்டு தொடங்கி, இந்த ஆண்டு நிறைவடைந்​தது. இந்த பாலத்​தில் நடுவில் பெரிய தூண் அமைத்து, கேபிள்கள் மூலமாக நிலைநிறுத்துவது பெரிய சவாலாக இருந்​தது” என்றார்.

கட்டு​மானப் பணிகள் முடிந்​து​விட்​ட​தால், வரும் ஜனவரி​யில் ரயில் சேவை தொடங்க ரயில்வே திட்​ட​மிட்​டுள்​ளது. இதுகுறித்து வடக்கு ரயில்வே மக்கள் தொடர்பு அதிகாரி நிதி பண்டே சிங் கூறும்போது, ‘‘இத்திட்​டத்​தில் 17 கி.மீ. தொலை​வுக்கான புதிய பாதை​யில் கட்டு​மானப் பணிகள் முடிந்​து​விட்டன. ரயில்வே பாது​காப்பு ஆணையரின் சோதனை நடைபெறுகிறது. இது முடிந்​த​ பிறகு, நேரடி ரயில்​சேவை தொடங்​கும்.

குறிப்​பாக, டெல்லி - ஸ்ரீநகருக்கு தூங்​கும் வசதி கொண்ட வந்தே பாரத் ரயில் சேவை தொடங்​கப்​படும் என எதிர்​பார்க்​கப்​படு​கிறது. டெல்​லி​யில் இருந்து இரவு இந்த ரயில் புறப்​பட்டு, மறுநாள் அதிகாலை ஜம்மு வந்​து​விடும். அங்​கிருந்து ஸ்ரீநகருக்கு ர​யில் புறப்​படும். ​

போகும்​வழி​யில் பிரம்​மாண்​டமாக அமைக்​கப்​பட்ட அஞ்ஜி, செனாப் ர​யில் பாலத்தை சுற்றுலா பயணி​கள் பார்த்து ரசித்து செல்​லலாம். அவர்​களுக்கு பிரமிப்புடன் பு​திய அனுபவத்தைக் ​கொடுக்​கும்’’ என்றார்.