5-ம் கட்ட பிரச்சாரம் பிப். 26-ல் ஸ்டாலின் தொடக்கம்

‘உங்கள் தொகுதியில் ஸ்டாலின்' பிரச்சாரத்தின் 5-ம் கட்ட பயணத்தை வரும் 26-ம் தேதி திமுக தலைவர் மு.க.ஸ்டாலின் தொடங்குகிறார்.

இது தொடர்பாக திமுக தலைமை அலுவலகம் நேற்று வெளியிட்ட அறிவிப்பில், ‘உங்கள் தொகுதியில் ஸ்டாலின்' என்ற பிரச்சாரத்தின் 5-வது கட்ட பயணத்தை திமுக தலைவர் மு.க.ஸ்டாலின் வரும் 26-ம் தேதி தொடங்குகிறார். பிப்ரவரி 26-ம் தேதி காலை 8 மணிக்கு விழுப்புரம், ஜீவனூர் நான்கு முனை கூட்டுச்சாலை, மதியம் 1 மணிக்கு மதுராந்தகம், 27-ம்தேதி காலை 8 மணிக்குதாம்பரம், படப்பை கரசங்கால், மதியம் 1 மணிக்கு மாதவரம், 28-ம் தேதி மதியம் 1 மணிக்கு கொட்டிவாக்கம் ஒய்.எம்.சி.ஏ. திடல்ஆகிய இடங்களில் பிரச்சாரம் செய்கிறார் என்று கூறப்பட்டுள்ளது.

‘உங்கள் தொகுதியில் ஸ்டாலின்' பிரச்சாரப் பயணத்தை கடந்த ஜனவரி 29-ம் தேதி ஸ்டாலின் தொடங்கினார். தொகுதி வாரியாக மக்களைச் சந்தித்து கோரிக்கை மனுக்களைப் பெறும் அவர், அதற்கு திமுக ஆட்சிக்கு வந்தால் முதல் 100 நாள்களில் தீர்வு காணப்படும் என்று உறுதி அளித்துள்ளார்.