சத்துணவு பணிக்கு பெற்ற விண்ணப்பங்கள் ரத்து நாமக்கல் மாவட்ட ஆட்சியர் தகவல் :

நாமக்கல்: சத்துணவுத் திட்ட காலிப்பணியிடங்களுக்கு பெறப்பட்ட விண்ணப்பங்கள் ரத்து செய்யப்படுகிறது.

இதுதொடர்பாக நாமக்கல் ஆட்சியர் ஸ்ரேயா சிங் வெளியிட்டுள்ள செய்திக்குறிப்பு:

நாமக்கல் மாவட்ட சத்துணவுத் திட்டத்தில் காலியாக இருந்த அமைப்பாளர் நிலையில் 166 பணியிடங்களும், சமையலர் நிலையில் 22 பணியிடங்கள் மற்றும் சமையல் உதவியாளர் நிலையில் 410 பணியிடங்களுக்கு விண்ணப்பங்கள் கடந்த செப்டம்பர் 24 முதல் 30-ம் தேதி வரை பெண் விண்ணப்பதாரர்களிடமிருந்து விண்ணப்பங்கள் பெறப்பட்டன.

அதன் தொடர்ச்சியாக இப்பணி நியமனங்கள் தொடர்பாக பெறப்பட்ட விண்ணப்பங்கள் நிர்வாகக் காரணங்களால் ரத்து செய்யப்படுகிறது. மேலும் இப்பணி நியமனங்களை பூர்த்தி செய்வது தொடர்பாக விரைவில் அறிவிப்பு வெளியிடப்படும் என தெரிவித்துள்ளார்.