கன்னியாகுமரி மாவட்டத்தில் அகஸ்தீஸ்வரம், குருந்தன்கோடு, மேல்புறம், முஞ்சிறை, கிள்ளியூர் ஆகிய ஒன்றியப் பகுதிகளில் அமைக்கப்பட்டுள்ள 268 முகாம்களில் இன்று (19-ம் தேதி)மெகா தடுப்பூசி முகாம் நடைபெறுகிறது.
அகஸ்தீஸ்வரம் ஒன்றியத்தில் 43 முகாம்களும், குருந்தன்கோடு ஒன்றியத்தில் 61, முஞ்சிறை ஒன்றியத்தில் 57, கிள்ளியூர் ஒன்றியத்தில் 54, மேல்புறம் ஒன்றியத்தில் 53 முகாம்களும் நடைபெறுகின்றன. காலை 9 மணி முதல்மாலை 7 மணி வரை நடைபெறும் இம்முகாமில் 18 வயதுக்குமேற்பட்ட இதுவரை தடுப்பூசி செலுத்திக்கொள்ளாத அனைவரும் தடுப்பூசி செலுத்தி, மாவட்டநிர்வாகத்துக்கு ஒத்துழைப்பு நல்க வேண்டும் என மாவட்ட ஆட்சியர் மா.அரவிந்த் கேட்டுக் கொண்டுள்ளார்.