அமெரிக்காவில் இருந்து ஆன்லைனில் - மதுரை இளைஞர்களுக்கு நாட்டுப்புறக் கலை பயிற்சி :

மதுரை கூடல் கலைக்கூடம் சார்பில், நாட்டுப்புறக் கலை களைக் கற்க ஆர்வமுள்ள இளைஞர்களுக்கு இலவசப் பயிற்சி அளிக்க ஏற்பாடு செய்யப் பட்டது.

மதுரை அருகே கடச்சனேந்தல் பகுதியில் கரகம், தவில், ஒயில், நாகசுரம் மற்றும் வீதி நாடகப் பயிற்சிகள் வழங்கப்பட்டன. கோட்டைச்சாமி, அழகேசுவரன், பிரான்சிஸ், அழகு அண்ணாவி ஆகியோர் பயிற்சி அளித்தனர்.

இதில் தவில் வாசிப்புடன் கூடிய நாகசுர சிறப்பு பயிற்சியை அமெரிக்காவில் வசிக்கும் கொம்பு மரபிசை மைய பயிற்சியாளரும், தென்காசியைச் சேர்ந்த பொறியாளருமான சிவசங்கர் இணைய வழியில் அளித்தார். கூடல் கலைக்கூட இயக்குநர் அழகு அண்ணாவி பயிற்சியை ஒருங்கிணைத்தார்.