அரசுப் பள்ளி ஆசிரியருக்கு மாநில அளவில் விருது

தமிழக அரசின் உயர் கல்வித்துறை சார்பில் ஒவ்வோர் ஆண்டும் இளம் அறிவியலாளர் மற்றும் சிறந்த அறிவியல் ஆசிரியர் தேர்வு செய்யப்பட்டு, அவர்களுக்கு விருதும், ரொக்கப் பரிசும் வழங்கி கவுரவிக்கப்படுகிறது. 2018-19, 2019- 20-ம் ஆண்டுகளுக்கான சிறந்த அறிவியல் ஆசிரியருக்கான மாநில விருதுக்கு 2 பேர் தேர்வு செய்யப்பட்டனர். அதில், திருப்பூர் மாவட்டம் உடுமலை பாரதியார் நூற்றாண்டு பெண்கள் மேல்நிலைப் பள்ளியின் அறிவியல் ஆசிரியர் சிவக்குமாரும் தேர்வு செய்யப்பட்டுள்ளார்.

சென்னையில் நடைபெற்ற நிகழ்ச்சியில் கல்வித்துறை அதிகாரிகளால் அவருக்கு விருதும், ரூ.25,000-க்கான காசோலையும் வழங்கி கவுரவிக்கப்பட்டுள்ளது. பள்ளித் தலைமையாசிரியர், சக ஆசிரியர்கள் மற்றும் மாணவிகள், அவருக்கு பாராட்டு தெரிவித்தனர்.