புதுச்சேரி: தீபாவளி பண்டிகையையொட்டி, புதுச்சேரி, காரைக்கால், ஏனாம் பிராந்தியங்களில் அரசு மற்றும் தனியார் பள்ளிகளுக்கு வரும் 5,6-ம் தேதி விடுமுறை விடப்படுவதாக பள்ளிக் கல்வித்துறை அறிவித்துள்ளது. வரும் 8-ம் தேதி முதல் கல்வித்துறை உத்தரவுப்படி பள்ளிகள் அரை நாள் செயல்படத் தொடங்கும். ஏற்கெனவே நவம்பர் 1-ம் தேதியன்று புதுச்சேரி விடுதலை நாள் என்பதால் அரசு விடுமுறை விடப்பட்டது. நேற்று கல்லறைத் திருநாள் என்பதால் விடுமுறை விடப்பட்டது. மேலும், தீபாவளிக்கு முந்தைய நாளான இன்று (நவ. 3) புதுச்சேரி, காரைக்கால், ஏனாம் பிராந்தியங்களில் ஏற்கெனவே விடுமுறை அறிவிக்கப்பட்டுள்ளது குறிப்பிடத்தக்கது.