நாகர்கோவில்: கன்னியாகுமரி மாவட்டத்தில் ஏற்கெனவே நடந்த மெகா தடுப்பூசி முகாமில் 9 ஊராட்சி ஒன்றியம், நாகர்கோவில் மாநகராட்சி பகுதிகளில் தடுப்பூசி செலுத்திய 20 பேர், மாவட்ட அளவில் இருவர் என, மொத்தம் 22 பேருக்கு தலா ஒரு கிராம் தங்க நாணயம் வழங்கப்பட்டது.
இதைப்போல கடந்த 23-ம் தேதி நடந்த தடுப்பூசி முகாமில் 22 பேர் குலுக்கல் முறையில் தேர்வு செய்யப்பட்டு, அவர்களுக்கு மூகாம்பிகை மருத்துவக் கல்லூரி சார்பில் தலா ஒரு கிராம் தங்க நாணயம் வழங்கப்பட்டது. ஆட்சியர் மா.அரவிந்த் வழங்கினார். இந்நிகழ்ச்சியில் மாவட்ட வருவாய் அலுவலர் சிவபிரியா, ஊரக வளர்ச்சி முகமை திட்ட இயக்குநர் தனபதி, சுகாதார பணிகள் துணை இயக்குனர் மீனாட்சி, மூகாம்பிகை கல்வி அறக்கட்டளை நிர்வாகிகள் வினோ கோபிநாத், பிரசாத் உட்பட பலர் கலந்துகொண்டனர்.
முக்கிய செய்திகள்
இன்றைய செய்தி
2 years ago