புதுச்சேரி கூட்டுறவு கல்வியியல் கல்லூரியில் - பிஎட் படிப்பில் இன்று உடனடி சேர்க்கை :

புதுச்சேரி கூட்டுறவு கல்வியியல் கல்லூரியில் பிஎட் படிப்பில் உடனடி சேர்க்கை இன்று நடைபெறுகிறது.

இதுகுறித்து புதுச்சேரி கூட்டுறவு கல்வியியல் கல்லூரி முதல்வர் செந்தில் வினோத் வெளியிட்டுள்ள செய்திக் குறிப்பு:

புதுச்சேரி மாநில கூட்டுறவு ஒன்றியத்தின் ஓர் அங்கமான கூட்டுறவு கல்வியியல் கல்லூரியில் 2021-2022-ம்ஆண்டிற்கான பிஎட் (இரண்டு ஆண்டு) இளங்கலை பட்டப்படிப்பில் சேர உடனடி சேர்க்கை இன்று (அக். 29) நடைபெற உள்ளது.

சேர்க்கைக்கான விண்ணப்பப் படிவங்கள் புதுச்சேரி மாநில கூட்டுறவு ஒன்றியம், 'கூட்டுறவு கல்வியியல் கல்லூரி எண் 62, சுய்ப்ரேன் வீதி, புதுச்சேரி 605001' என்ற முகவரியில் நேரடியாக ரூ.400 பணமாக செலுத்தி விண்ணப்பப் படிவத்தை பூர்த்தி செய்து உடனடியாக பிஎட் படிப்பில் சேர்ந்து கொள்ளலாம்.

மேலும் விவரங்களுக்கு 0413-2220105, 2331408 ஆகிய தொலைபேசி எண்களில் தொடர்பு கொள்ளலாம்.

இவ்வாறு அதில் தெரிவிக்கப் பட்டுள்ளது.