மதுரை அருங்காட்சியகத்தில் : காந்தி சிலைக்கு இஸ்ரேலிய தூதர் மாலை :

தமிழ்நாடு, கர்நாடகா, கேரள மாநிலங்கள் மற்றும் புதுச்சேரி யூனியன் பிரதேசத்துக்கான இஸ்ரேலியத் தூதர் ஜோனதான் ஜட்கா. இவர் நேற்று மதுரை காந்தி நினைவு அருங்காட்சியகத்துக்கு வந்தார். அவரை செயலாளர் கே.ஆர்.நந்தாராவ், கல்வி அலுவலர் ஆர்.நடராஜன் வரவேற்றனர். காந்தி சிலைக்கு மாலை அணிவித்த இஸ்ரேலியத் தூதர் ஜோனதான் ஜட்கா, காந்தி நினைவு அருங்காட்சியகத்தைப் பார்வையிட்டார். அவர், "மகாத்மா காந்தி குறித்த அரிய தகவல் தொகுப்பாக விளங்கும் காந்தி நினைவு அருங்காட்சியகத்தைப் பார்வையிட்டது சிறந்த நற்பேறு" என அருங்காட்சியகப் பார்வையாளர் புத்தகத்தில் பதிவு செய்தார். அப்போது அருங்காட்சியகப் பணியாளர்கள் உடன் இருந்தனர்.