ஜெயங்கொண்டத்தில் மாற்றுத் திறனாளிகள்10 பேருக்கு சக்கர நாற்காலி வழங்கல் :

அரியலூர்: அரியலூர் மாவட்டம் ஜெயங்கொண்டம் அரசு மேல்நிலைப்பள்ளியில் மாற்றுத்திறனாளிகளுக்கான சிறப்பு முகாம் நேற்று நடைபெற்றது. முகாமை எம்எல்ஏ க.சொ.க.கண்ணன் தொடங்கி வைத்து, பயனாளிகள் 10 பேருக்கு சக்கர நாற்காலிகள் மற்றும் 88 பேருக்கு அடையாள அட்டை, 3 பேருக்கு மடக்கு குச்சி வழங்கினார். முகாமில் 210 மாற்றுத் திறனாளிகளிடமிருந்து ஸ்மார்ட் கார்டுக்கான விண்ணப்பங்கள் பெறப்பட்டன.

நிகழ்ச்சியில், மாவட்ட மாற்றுத்திறனாளிகள் நல அலுவலர் சீனிவாசன், ஜெயங்கொண்டம் வட்டார வளர்ச்சி அலுவலர் பிரபாகரன், ஒன்றிய கவுன்சிலர் ராஜசேகரன் உட்பட பலரும் கலந்து கொண்டனர்.