கும்பாபிஷேகம் :

மதுரை பசுமலை விபூதி விநாயகர் கோயிலில் மகா கும்பாபிஷேகமும், வீர ஆஞ்சநேயர் பிரதிஷ்டையும் நடைபெற்றது. இதையொட்டி கடந்த அக்.22-ம் தேதி காலை அனுக்ஞை பூஜை மற்றும் கணபதி ஹோமம் நடைபெற்றது.

நேற்று காலை 8 மணியளவில் கடம் புறப்பாடாகி கோயிலை வலம் வந்தது. பின்னர் 8.10 மணியளவில் கும்பாபிஷேகம் நடைபெற்றது.

தொடர்ந்து மூலவர் விநாயகர், பரிவார தெய்வங்களுக்கு தீபாராதனை நடைபெற்றது.

இவ்விழாவில் ராஜன் செல்லப்பா எம்.எல்.ஏ., மன்னர் கல்லூரி தாளாளர் விஜய ராகவன், தமிழ்நாடு ஒலிம்பிக் சங்க துணைத் தலைவர் ராஜ் சத்யன் ஆகியோர் கலந்து கொண்டனர்.