ரயில்வே ஊழியர் போக்ஸோவில் கைது :

திருச்சி பொன்மலை கணேசபுரம் பகுதியைச் சேர்ந்தவர் புருஷோத்தமன்(27). ரயில்வே ஊழியரான இவர், 9-ம் வகுப்பு மாணவிக்கு பாலியல் தொல்லை கொடுத்ததாகக் கூறப்படுகிறது. இதுகுறித்து மாணவியின் பெற்றோர் அளித்த புகாரின்பேரில், பொன்மலை அனைத்து மகளிர் போலீஸார் போக்ஸோ சட்டத்தின் கீழ் வழக்குப் பதிவு செய்து புருஷோத்தமனை நேற்று முன்தினம் கைது செய்தனர்.