சாராள் தக்கர் கல்லூரியில் மகளிர் அதிகாரமளிப்பு மையம் திறப்பு :

திருநெல்வேலி: பாளையங்கோட்டை சாராள் தக்கர் கல்லூரியில் வேலைவாய்ப்பு மையம், ஐசிடி அகாடமி மற்றும் ஹனிபெல் நிறுவனம் ஆகியவை இணைந்து மகளிர் அதிகாரமளிப்பு மையத்தை தொடங்கியுள்ளன. தொடக்க விழாவுக்கு கல்லூரி தாளாளர் டி. சவுந்திரபாண்டியன் தலைமை வகித்தார். கல்லூரி வேலைவாய்ப்பு மைய தலைவர் ஜெ. ஷகினா வரவேற்றார். கல்லூரி முதல்வர் உஷா காட்வின் முன்னிலை வகித்தார்.

ஐசிடி அகாடமி தமிழக தலைவர் பூரணபிரகாஷ் பங்கேற்றார். வேலைவாய்ப்பு மைய அறிவுரையாளர் ஜோன்ஸ் வாழ்த்துரை வழங்கினார். நிகழ்ச்சியில் கணினி அறிவியல், தகவல் தொழில்நுட்பவியல், கணிதவியல் துறைகளை சேர்ந்த மாணவிகள் பங்கேற்றனர். தகவல் தொழில்நுட்பத்துறை ஒருங்கிணைப்பாளர் ஜெயரூபி நன்றி கூறினார்.