விழுப்புரம் மாவட்டம் விக்கரவாண்டி பகுதியைச் சேர்ந்தவர் கார்த்திகேயன் (30). ஊறுகாய் வியாபாரி. அவரிடம் கிருஷ்ணகிரி மாவட்டம், பர்கூர் குருவிநாயனப்பள்ளி அடுத்த பசவண்ணகோயில் பகுதியைச் சேர்ந்த கூலி தொழிலாளி ராஜேந்திர ராவ் (57) என்பவர் வேலை பார்த்து வந்தார். இவர்கள் 2 பேரும் நேற்று ஊறுகாய் வாங்குவதற்காக ஆந்திரா மாநிலத்திற்கு இருசக்கர வாகனத்தில் சென்றனர்.
வாகனத்தை கார்த்திகேயன் ஓட்டினார். பிற்பகல் 3 மணியளவில் கிருஷ்ணகிரி - குப்பம் தேசிய நெடுஞ் சாலையில் சின்னமட்டாரப்பள்ளி பேருந்து நிறுத்தம் அருகே செல்லும்போது, கட்டுப்பாட்டை இழந்த இருசக்கர வாகனம் சாலையோரம் இருந்த மரத்தில் மோதி விபத்துக்குள்ளானது. இவ்விபத்தில் தூக்கிவீசப்பட்ட கார்த்திகேயன், ராஜேந்திரராவ் ஆகியோர் படுகாயங்களுடன் நிகழ்விடத்திலேயே உயிரிழந்தனர்.