பாஜக பயிற்சி முகாமுக்கு குழு அமைப்பு :

பாஜக மாவட்ட, மண்டல அளவில் நடைபெற உள்ள பயிற்சி முகாமுக்கு மாநில பொதுச் செயலாளர் ராம.ஸ்ரீனிவாசன் தலைமையில் குழு அமைக்கப்பட்டுள்ளது.

இது குறித்து பாஜக மாநில தலைவர் கே.அண்ணாமலை வெளியிட்டுள்ள அறிவிப்பு: பாஜக சார்பில் மாவட்ட, மண்டல அளவில் பயிற்சி முகாம் நடக்க உள்ளது. இதற்கான ஏற்பாடுகளை செய்ய தமிழக பாஜக பொதுச்செயலாளர் ராம.ஸ்ரீனிவாசன் தலைமையில் குழு அமைக்கப்பட்டுள்ளது.

இக்குழுவின் இணை அமைப்பாளர்களாக திருவாரூர் மாவட்டப் பொதுச்செயலாளர் எஸ்.பாஸ்கர், ஈரோடு கோட்ட அமைப்புச் செயலாளர் எஸ்.பாலகுமார், உறுப்பினர்களாக மாநில செயலாளர் ஆர்.உமாரதிராஜன், முன்னாள் மாநில செயலாளர் அனுசந்திரமவுலி, மாநில செயற்குழு உறுப்பினர் எஸ்.ஆர்.வெற்றிவேல், சென்னை மாவட்ட துணைத் தலைவர் எஸ்.சரவணன், சேலம் மேற்கு மாவட்ட நிர்வாகி ஆர்.பி.கோபிநாத் ஆகியோர் நியமிக்கப்பட்டுள்ளனர்.