ஆண்டிபட்டியில் ஒருங்கிணைந்த நீதிமன்றம் கட்டுவது எப்போது? : தேனி ஆட்சியர் பதிலளிக்க உத்தரவு

ஆண்டிபட்டியில் ஒருங்கிணைந்த நீதிமன்றக் கட்டிடத்துக்கான கட்டமானப் பணியை உடனடியாக தொடங்கக் கோரிய வழக்கில் தேனி ஆட்சியர் பதிலளிக்க உயர் நீதிமன்றம் உத்தரவிட்டது.

தேனி ஆண்டிபட்டியைச் சேர்ந்த ராஜன், உயர் நீதிமன்றக் கிளையில் தாக்கல் செய்த மனு:

ஆண்டிபட்டியில் மாவட்ட முன்சீப் நீதிமன்றமும், குற்றவியல் நீதிமன்றம் ஆகியன தனியார் மருத்துவமனை தரைத்தளத்தில் வாடகைக்கு இயங்கி வருகிறது. இங்கு நூலகம், வழக்கறிஞர் அறை, கழிவறை வசதிகள் இல்லை. நீதிமன்றத்தைக் காலி செய்யுமாறு கட்டி உரிமையாளர் பலமுறை தெரிவித்துவிட்டார்.

இதற்கிடையே, ஒருங்கி ணைந்த நீதிமன்றக் கட்டிடம் கட்டுவதற்கு ஆண்டிபட்டியில் 2 ஏக்கர் நிலம் 2004-ல் ஒதுக் கப்பட்டது. ஆனால், அந்த இடத்தில் தற்போது வரை கட்டு மானப்பணிகள் தொடங்கப்பட வில்லை.

இந்நிலையில் அந்த இடத்தில் வேறு கட்டிடம் கட்டுவதற்கு ஆண்டிபட்டி பேரூராட்சி முடிவு செய்துள்ளது. எனவே, ஆண்டி பட்டியில் ஒருங்கிணைந்த நீதி மன்றம் கட்டுவதற்கு ஒதுக்கப் பட்ட இடத்தில் வேறு கட்டிடம் கட்டக்கூடாது என்றும், ஒருங் கிணைந்த நீதிமன்றக் கட்டிடம் கட்டும் பணியை விரைவில் தொடங்கவும் உத்தரவிட வேண்டும். இவ்வாறு மனுவில் கூறப்பட்டிருந்தது.

இந்த மனுவை நீதிபதிகள் எம்.துரைசுவாமி, கே.முரளிசங்கர் அமர்வு விசாரித்து, மனு தொடர் பாக தேனி மாவட்ட ஆட்சியர், ஆண்டிபட்டி பேரூராட்சி செயல் அலுவலர் பதிலளிக்க உத்தரவிட்டு விசார ணையை நவ. 10-க்கு ஒத்திவைத்தது.