தீயணைப்பு நிலையங்களில் தீ தொண்டு நாள் :

தீயணைப்பு மற்றும் மீட்பு பணியின் போது உயிரிழந்த தீயணைப்புபடையினருக்கு அஞ்சலி செலுத்தும் வகையில், ஆண்டுதோறும் ஏப்ரல் 14-ம் தேதி தீ தொண்டு நாள்கடைபிடிக்கப்படுகிறது. தீயணைப்புத் துறை சார்பில், தூத்துக்குடி சிப்காட் தீயணைப்பு நிலைய வளாகத்தில் உயிர்நீத்தோர் அஞ்சலி நிகழ்ச்சி நேற்று காலை நடை பெற்றது.

மாவட்ட தீயணைப்பு அலுவலர் ச.குமார் தலைமை வகித்து, அஞ்சலி செலுத்தினார். அவர் கூறும்போது, ``வரும் 20-ம் தேதி வரை ஒருவாரகாலம் அனுசரிக்கப்பட உள்ள தீதொண்டு வாரத்தில், தீ தடுப்புகுறித்த பிரச்சாரங்கள் மற்றும் கரோனா பெருந்தொற்றினை எதிர்கொள்வது தொடர்பான முன்னெச்சரிக்கை நடவடிக்கை குறித்த பிரச்சாரங்கள் செய்யப்பட உள்ளன.மாவட்ட உதவி அலுவலர் த.முத்துபாண்டியன், நிலைய அலுவலர்கள் ஜோ.சகாயராஜ், பெ.முனியசாமி மற்றும் தீயணைப்பு வீரர்கள் கலந்து கொண்டனர்.

திருநெல்வேலி

பாளையங்கோட்டை தீயணைப்பு நிலையத்தில் தீயணைப்பு தொண்டு நாள் நிகழ்ச்சி நடைபெற்றது. உயிர் நீத்த வீரர்கள் நினைவு தூணுக்கு மாவட்ட தீயணைப்பு அலுவலர் சத்யகுமார் மலர்வளையம் வைத்து அஞ்சலி செலுத்தினார்.

நாகர்கோவில்

நாகர்கோவில் தீயணைப்பு நிலையத்தில் வீரர்களின் நினைவுதூணுக்கு மாவட்ட தீயணைப்பு அலுவலர் சரவணபாபு தலைமையில் மலர் வளையம் வைத்து மரியாதை செலுத்தப்பட்டது.