தி.மலை மாவட்டத்தில் ஒரே நாளில் 33 பேர் : வேட்பு மனு தாக்கல் :

திருவண்ணாமலை மாவட்டத் தில் நேற்று 33 பேர் வேட்பு மனு தாக்கல் செய்துள்ளனர்.

தி.மலை மாவட்டத்தில் உள்ள 8 சட்டப்பேரவைத் தொகுதிகளுக்கு வேட்பு மனு தாக்கல் கடந்த 12-ம் தேதியில் இருந்து நடைபெற்று வருகிறது. திமுக, அதிமுக, மக்கள் நீதி மய்யம், நாம் தமிழர் கட்சி, அமமுக, பாமக, பகுஜன் சமாஜ் கட்சி உள்ளிட்ட முக்கிய அரசியல் கட்சி வேட்பாளர்கள் மற்றும் சுயேட்சை வேட்பாளர்கள் மனு தாக்கல் செய்துள்ளனர்.

முதல் நாளான கடந்த 12-ம் தேதி 4 பேரும், 2-வது நாளான கடந்த 15-ம் தேதி 31 பேரும், 3-ம் நாளான கடந்த 16-ம் தேதி 7 பேரும், 4-ம் நாளான கடந்த 17-ம் தேதி 37 பேர் வேட்பு மனு தாக்கல் செய்துள்ளனர். 5-வது நாளான நேற்று ஒரே நாளில் 33 பேர் வேட்பு மனு தாக்கல் செய்துள்ளனர்.

இதுவரை மாவட்டத்தில் 112 பேர் வேட்பு மனு தாக்கல் செய்துள்ளனர். வேட்பு மனு தாக்கல் செய்ய இன்று இறுதி நாள் என்பதால், அதிக எண்ணிக்கையில் வேட்பு மனு தாக்கல் நடைபெறும் என எதிர்பார்க்கப்படுகிறது.