இந்தியன் ரயில்வே உணவு மற்றும் சுற்றுலாக் கழகம் (ஐஆர்சிடிசி) சார்பில் கோவையில் இருந்து ரயில் மூலம் கோவா, தாஜ்மஹால் உள்ளிட்ட இடங்களுக்கு சுற்றுலா செல்வதற்காக முன்பதிவு தொடங்கியுள்ளது.
இது தொடர்பாக ஐஆர்சிடிசி வெளியிட்ட செய்திக்குறிப்பில் கூறியிருப்பதாவது: ஐஆர்சிடிசி ரயில் மூலம் கோவா, ஜெய்ப்பூர், அமிர்தசரஸ், சண்டிகர், வைஷ்ணவதேவி கோயில் மற்றும் தாஜ்மஹால் ஆகியவற்றைக் காண ஏற்பாடு செய்துள்ளது. 13 நாட்கள் கொண்ட இந்த சுற்றுலாவானது, வரும் மார்ச் 31-ம் தேதி மதுரையில் இருந்து தொடங்குகிறது. இதற்கான கட்டணம் ரூ.13,540. இதில், ரயில் பயணக் கட்டணம், சைவ உணவு, தங்கும் வசதி, சுற்றிப்பார்க்க பேருந்து வசதி ஆகியவை அடங்கும். இந்த சுற்றுலா குறித்த கூடுதல் விவரங்கள் மற்றும் முன்பதிவுக்கு ஐஆர்சிடிசி-ன் கோவை அலுவலகத்தை 9003140655, 8287931965 என்ற எண்களில் தொடர்புகொள்ளலாம். அல்லது www.irctctourism.com என்ற இணையதளத்தில் விவரங்களைத் தெரிந்துகொள்ளலாம். இவ்வாறு செய்திக்குறிப்பில் தெரிவிக்கப்பட்டுள்ளது.