குமாரபாளையத்தில் நாளை ஆதித்தமிழர் மாநாடு முதல்வர் பங்கேற்கிறார்

குமாரபாளையத்தில் நாளை (15-ம் தேதி) நடைபெறும் ஆதித்தமிழர் முன்னேற்றக்கழக மாநாட்டில் தமிழக முதல்வர் பழனிசாமி பங்கேற்க உள்ளார், என ஆதித்தமிழர் முன்னேற்றக்கழக மாநில தலைவர் நாகராஜன் தெரிவித்தார்.

இதுதொடர்பாக அவர் செய்தியாளர்களிடம் கூறியதாவது:

குமாரபாளையம் அருகே ஆதித் தமிழர் முன்னேற்றக்கழக மாநாடு நாளை மதியம் (15-ம் தேதி) நடைபெறவுள்ளது. மாநாட்டில் தமிழக முதல்வர் பழனிசாமி பங்கேற்கிறார். அமைச்சர்கள் பி.தங்கமணி, எஸ்.பி.வேலுமணி உள்பட 6 அமைச்சர்கள் பங்கேற்க உள்ளனர். இந்த மாநாடு மிகப்பெரிய வெற்றியை பெற்றுத்தரும்.

வரும் சட்டப்பேரவைத் தேர்தலில் மீண்டும் அதிமுக ஆட்சி தொடர எங்களது களப்பணியாளர்கள் 4 ஆயிரம் பேரை களத்தில் இறக்கி களப்பணி மேற்கொள்கிறோம். அதிமுக வெற்றி பெற எல்லாவிதமான உழைப்பை தருவோம், என்றார்.