தீ செயலியை பயன்படுத்த பொதுமக்களிடம் விழிப்புணர்வு

கிருஷ்ணகிரி மற்றும் போச்சம்பள்ளியில் தீ செயலியை பயன்படுத்துவது தொடர்பாக பொதுமக்களிடம் விழிப்புணர்வு ஏற்படுத்தப்பட்டது.

கிருஷ்ணகிரியில் தீ செயலி தொடர்பாக செயல்விளக்கம் மூலம் பொதுமக்கள், வாகன ஓட்டிகள் மற்றும் கல்லூரி மாணவர்களிடையே விழிப்புணர்வு ஏற்படுத்தும் நிகழ்ச்சி நடந்தது.

இந்நிகழ்ச்சிக்கு மாவட்ட தீயணைப்பு அலுவலர் மகாலிங்கமூர்த்தி தலைமை வகித்தார். கிருஷ்ணகிரி, பர்கூர், ஓசூர் சிப்காட், போச்சம்பள்ளி, ஊத்தங்கரை, ராயக்கோட்டை, தேன்கனிக்கோட்டை ஆகிய 7 தீயணைப்பு மற்றும் மீட்பு பணி நிலையங்கள் சார்பில் செயல்விளக்க நிகழ்ச்சிகள் மேற்கொள்ளப்பட்டன.

இந்நிகழ்வு களில் தீயணைப்பு நிலைய அலுவலர்கள் பங்கேற்று வாகன ஓட்டிகள், பொதுமக்கள் மற்றும் கல்லூரி மாணவர்களிடையே விழிப்புணர்வு ஏற்படுத்தினர்.

அப்போது, செல்போனில் தீ செயலியை கூகுள் பிளே ஸ்டோரில் இருந்து டவுன்லோடு செய்வது, செல்போன் எண்ணை பதிவு செய்வது, இருப்பிடத்தை இயக்குவது போன்றவை குறித்து விளக்கம் அளிக்கப்பட்டது.