கபீர் புரஸ்கார் விருது பெற விண்ணப்பிக்க இன்று கடைசி நாள் :

கபீர் புரஸ்கார் விருது பெற விண்ணப்பங்கள் வரவேற்கப் படுகிறது.

இதுதொடர்பாக கிருஷ்ணகிரி மாவட்ட விளையாட்டுத்துறை அலுவலகம் அவர் வெளியிட்டுள்ள செய்திக்குறிப்பு:

நமது தேசத்துக்கு நற் பெயரையும், புகழையும் ஈட்டித்தரும் வகையில் மத நல்லிணக்கத்துக்காகவும், சமுதாய ஒற்றுமைக் காகவும், தேசிய ஒருமைப்பாட்டை ஊக்குவிக்கும் வகையிலும் சிறப்பாக பணியாற்றியவர்களுக்கு ஆண்டு தோறும் கபீர் புரஸ்கார் விருது வழங்கப்பட்டு வருகிறது. தகுதிகளின் அடிப்படையில் 3 பிரிவுகளாக பிரிக்கப்பட்டு, முதல் பிரிவில் ரூ.20 ஆயிரம், 2-ம் பிரிவில் ரூ.10 ஆயிரம், 3-ம் பிரிவில் ரூ.5 ஆயிரம் வழங்கப்படுகிறது.

அதன்படி, 2022-ம் ஆண்டுக்கான கபீர்புரஸ்கார் விருதுக்கு விண்ணப்பங்கள் வரவேற்கப்படுகிறது. இந்த விருதுக்கான விண்ணப்பங்கள் மாவட்ட விளையாட்டு அரங்கத்தில் பெற்றுக்கொள்ளலாம். பூர்த்தி செய்யப்பட்ட விண்ணப்பங்கள் இன்று (12-ம் தேதி) மாலை 5 மணிக்குள் கிருஷ்ணகிரி மாவட்ட விளையாட்டு அரங்கில் சமர்ப்பிக்க வேண்டும். தகுதியான விண்ணப்பங்கள் பரிசீலிக்கப்பட்டு, மாவட்ட ஆட்சியரின் பரிந்துரைகளுடன் அரசுக்கு அனுப்பி வைக்கப்படும். எனவே, கிருஷ்ணகிரி மாவட்டத்தைச் சேர்ந்த தகுதியுள்ளவர்கள் இந்த வாய்ப்பினை பயன்படுத்திக் கொள்ளலாம்.