கிருஷ்ணகிரி புதிய பேருந்து நிலையத்தில் வாடகை செலுத்தாத 3 கடைகளுக்கு நகராட்சி ஊழியர்கள் சீல் வைத்தனர்.
கிருஷ்ணகிரி புதிய பேருந்து நிலையம் நகராட்சி பராமரிப்பில் இருந்து வருகிறது. பேருந்து நிலைய வளாகத்தில், 35-க்கும் மேற்பட்ட கடைகள் உள்ளன. இதில் சில கடைகள் பல மாதங்களாக வாடகை பணம் செலுத்தவில்லை. இதுதொடர்பாக நகராட்சி பலமுறை நோட்டீஸ் அனுப்பியும் வாடகை கட்டாத 3 கடைகளை நகராட்சி ஊழியர் கள் நேற்று பூட்டி சீல் வைத்தனர்.
இதுகுறித்து நகராட்சி தரப்பில் கூறப்பட்டுள்ளதாவது:
கிருஷ்ணகிரி பேருந்து நிலையத்தில் உள்ள கடைகளில் வாடகை நிலுவை தொகையை செலுத்தக் கோரி நோட்டீஸ் வழங்கப்பட்டது. இருப்பினும், கடை எண்.32 -ல் ரூ.2 லட்சத்து 61 ஆயிரத்து 941-ம், கடை எண்.19-ல் ரூ.1 லட்சத்து 77ஆயிரத்து 188-ம், கடை எண்.22 – ல் ரூ.1 லட்சத்து 71 ஆயிரத்து 610-ம்- வாடகை தொகை செலுத்தவில்லை. இதனால் அக்கடைகளை பூட்டி சீல் வைக்கப்பட்டது.
மேலும், குத்தகைதாரர்கள், வரி விதிப்புதாரர்கள் தங்களின் நிலுவைத் தொகையினை உடனடியாக நகராட்சிக்கு செலுத்தி இதுபோன்ற நடவடிக்கையினை தவிர்த்துக் கொள்ளலாம்.
முக்கிய செய்திகள்
இன்றைய செய்தி
2 years ago