தி.மலை மாவட்டத்தில் - பள்ளிகளுக்கு இன்று விடுமுறை :

திருவண்ணாமலை மாவட்டத்தில் கன மழை எதிரொலியாக பள்ளிகளுக்கு இன்று விடுமுறை அறிவிக்கப்பட்டுள்ளது.

தி.மலை மாவட்டத்தில் கடந்த 5 நாட்களாக தொடர்ந்து மழை பெய்து வருகிறது. பள்ளி மற்றும் கல்லூரி வளாகங்களில் மழை நீர் தேங்கியுள்ளது. இதனால், கடந்த 26, 27 ஆகிய தேதிகளில் பள்ளிகளுக்கு விடுமுறை விடப்பட்டிருந்தது. இந்நிலையில் மழையின் தாக்கம் மேலும் தீவிரமடையும் என வானிலை மையம் அறிவித்துள்ளதால், தி.மலை மாவட்டத்தில் உள்ள பள்ளிகளுக்கு தொடர்ந்து மூன்றாவது நாளாக இன்றும்(29-ம் தேதி) விடுமுறை விடப்பட்டுள்ளது.

இதுகுறித்து தி.மலை மாவட்ட ஆட்சியர் பா.முருகேஷ் வெளியிட்டுள்ள செய்திக்குறிப்பில், “தொடர் மழையால், தி.மலை மாவட்டத்தில் உள்ள பள்ளிகளுக்கு இன்று(29-ம் தேதி) விடுமுறை அறிவிக்கப்படுகிறது. மழை காலத்தில் நீர் நிலைகள் அருகே மாணவ, மாணவிகள் செல்வதற்கு அனுமதிக்காமல், அவர்களை பெற்றோர்கள் கண்காணிக்க வேண்டும்” என அறிவுறுத்தியுள்ளார்.