திருப்பரங்குன்றத்தில் : பவுர்ணமி கிரிவலம் ரத்து :

திருப்பரங்குன்றம் சுப்பிரமணிய சுவாமி கோயில் துணை ஆணையர் மு.ராமசாமி வெளியிட்டுள்ள செய்திக் குறிப்பு: அக்.20-ம் தேதி பவுர்ணமி கிரிவலம், கரோனா தொற்று காரணமாக ரத்து செய்யப்பட்டுள்ளது.

அக்.20-ம் தேதி (புதன்கிழமை) நடைபெறவிருக்கும் ஐப்பசி மாத அன்னாபிஷேக நிகழ்ச்சி வழக்கம்போல் நடைபெறும். அக்.23 சனிக்கிழமையன்று கார்த்திகை நாளில் அர்ச்சனை மற்றும் அபிஷேகம் சேத்தியில் நடைபெற்று கோயிலுக்குள் அமைந்துள்ள திருவாட்சி மண்டபத்தின் உட் பிரகாரத்திலேயே மாலை 6 மணிக்கு மேல் சுப்பிரமணியர்-தெய்வானை அம்மன் புறப்பாடு நடைபெறும். இதில் பக்தர்களுக்கு அனுமதி இல்லை. இவ்வாறு அதில் தெரிவிக்கப்பட்டுள்ளது.