ஆரணியில் மூதாட்டியிடம் 8 பவுன் நகையை பறித்துச்சென்ற மர்ம ஆசாமிகளை காவல் துறையினர் தேடிவருகின்றனர்.
ஆரணி நகரம் சைதாப் பேட்டை அண்ணாநகரில் வசிப்பவர் லட்சுமி(76). இவர், அதே பகுதியில் வசிக்கும் செண்பக வள்ளியுடன் கோயிலுக்கு கடந்த 13-ம் தேதி சுவாமி தரிசனம் சென்றுவிட்டு வீடு திரும்பினார்.
அப்போது அவர்களை இருசக்கர வாகனத்தில் தலைக்கவசம் அணிந்து பின் தொடர்ந்து வந்த 2 பேர், லட்சுமியின் கழுத்தில் இருந்த 8 பவுன் நகையை பறித்துக் கொண்டு சென்றுவிட்டனர். இது குறித்து ஆரணி நகர காவல்துறையினர் வழக்குப் பதிவு செய்து மர்ம நபர்களை தேடி வருகின்றனர்.
முக்கிய செய்திகள்
இன்றைய செய்தி
2 years ago