திருச்செந்தூர் சுப்பிரமணிய சுவாமிகோயில் ஆவணித் திருவிழாவில் 7-ம் நாளான நேற்று மாலை சுவாமிசண்முகர் சிவப்பு சார்த்தி எழுந்தருளல் நடைபெற்றது. பக்தர்கள் பங்கேற்பின்றி இவ்வைபவம் நடைபெற்றது.
திருச்செந்தூர் கோயிலில் ஆவணித் திருவிழா ஆகஸ்ட் 27-ம் தேதி கொடியேற்றத்துடன் தொடங்கி நடைபெற்று வருகிறது. 7-ம் திருவிழாவான நேற்றுஅதிகாலை 5 மணிக்கு உருகுசட்ட சேவையாகி, சுவாமி சண்முகர் வெட்டிவேர் சப்பரத்தில் எழுந்தருளி உள்பிரகாரத்தில் சுற்றி வந்து108 மகாதேவர் சன்னதி முன் வந்து சேர்ந்தார். அங்கு சுவாமிக்கு சிறப்பு அபிஷேகம், அலங்காரமாகி, தீபாராதனை நடைபெற்றது.
தொடர்ந்து மாலை 5 மணியளவில் சுவாமி சண்முகர் சிவப்பு சார்த்தி அலங்காரத்தில் கேடய சப்பரத்தில் எழுந்தருளி உள்பிரகாரத்தில் உலா வந்தார். இதில் கோயில் முக்கிய நிர்வாகிகள் மட்டுமே கலந்து கொண்டனர். பக்தர்கள் பங்கேற்க அனுமதி அளிக்கப்படவில்லை. திருவிழா நிகழ்வுகள் யு-டியூப் சேனல் மூலம் நேரடியாக ஒளிபரப்பு செய்யப்பட்டது.
8-ம் திருவிழாவான இன்று (செப். 3) காலை வெள்ளை சார்த்தி அலங்காரத்திலும், பகலில் பச்சை சார்த்தி அலங்காரத்திலும் சுவாமி கேடயச் சப்பரத்தில் எழுந்தருளி உள்பிரகாரத்தில் வலம் வருகிறார்.
முக்கிய செய்திகள்
இன்றைய செய்தி
2 years ago