செப்.1-ல் மாணவர்களை வரவேற்க - வகுப்பறைகளை சுத்தம் செய்யும் பணி தீவிரம் :

செப்டம்பர் 1-ம் தேதி மாணவர்களை வரவேற்க பள்ளிகள் முழு வீச்சில் தயார் செய்யப்பட்டு வருகின்றன.

கரோனா தொற்று பரவல் காரணமாக, தமிழகத்தில் கடந்த ஒன்றரை ஆண்டுகளாக பள்ளி, கல்லூரிகள் அனைத்தும் மூடப் பட்டுள்ளன.

மாணவர்களுக்கு பாடங்கள் ஆன்-லைன் மூலமே நடத்தப்படுகின்றன. தற்போது, கரோனா தொற்று குறைந்து வருவதையொட்டி, செப்டம்பர் 1 முதல் தமிழகத்தில் 9-ம் வகுப்பு முதல் பிளஸ் 2 வரை பள்ளிகளை திறக்க தமிழக அரசு உத்தரவிட்டுள்ளது.

விருதுநகர் மாவட்டத்தில் உள்ள உயர்நிலை மற்றும் மேல்நிலைப் பள்ளிகள் திறக்கப்படு வதையொட்டி, வகுப்பறைகளை சுத்தம் செய்யும் பணிகள் மேற்கொள்ளப்பட்டு வருகின்றன.