பவானி ஜமக்காளத்திற்கு சிறப்பு அஞ்சல் உறை வெளியீடு :

புகழ்பெற்ற பவானி ஜமக்காளத்துக்கு பெருமை சேர்க்கும் விதமாக சிறப்பு அஞ்சல் உறை வெளியிடப்பட்டுள்ளது.

இதுகுறித்து ஈரோடு அஞ்சல் கோட்ட முதுநிலை கண்காணிப்பாளர் வெளியிட்டுள்ள செய்திக்குறிப்பில் கூறியிருப்பதாவது:

இந்திய அஞ்சல் துறை சார்பில் தமிழ்நாட்டில் உள்ள புவிசார் குறியீடு பெற்ற பொருட்களுக்கு சிறப்பு சேர்க்கும் வகையில், சிறப்பு அஞ்சல் உறை வெளியிடப்பட்டு வருகிறது. இந்நிலையில் சென்னையில் நடைபெற்ற நிகழ்ச்சியில், புவிசார் குறியீடு பெற்ற பவானி ஜமக்காளத்துக்கு சிறப்பு சேர்க்கும் வகையில், சிறப்பு அஞ்சல் உறை வெளியிடப்பட்டது. இந்த உறையை தமிழ்நாடு அஞ்சல்துறை தலைவர் வீணா நிவாஸ் வெளியிட, ஆதிதிராவிடர் வீட்டுவசதி மேம்பாடு ஆணையத்தின் பொதுமேலாளர் காந்திமதி பெற்றுக்கொண்டார்.