புரம் பொற்கோயில் 14-ம் ஆண்டு விழா :

புரம் பொற்கோயிலில் 14-ம் ஆண்டு விழா நேற்று வெகு விமரிசையாக நடைபெற்றது.

வேலூர் அடுத்த புரம் லட்சுமி நாராயணி பொற் கோயிலில் 14-ம் ஆண்டுவிழா நேற்று சிறப்பாக நடைபெற்றது. முன்னதாக, ஆண்டு விழாவை முன்னிட்டு  சூக்த அஷ்டலட்சுமி ஹோமம் தொடர்ந்து 11 நாட்கள் நடைபெற்றன. நேற்று காலை கோ பூஜை, கஜ பூஜை, அஸ்வ பூஜை ஆகியவை நடைபெற்றது. பின்னர்,  மகாலட்சுமி மூலமந்திர ஹோமம் நடைபெற்றது. இதன் நிறைவாக பூர்ணாஹூதி மற்றும் மஹா ஆரத்தியை  சக்தி அம்மா செய்தார். மூலவர்  லட்சுமி நாராயணி அம்மனுக்கு சக்தி அம்மா அவர்கள் அபிஷேகம் செய்தும், ஆரத்தி எடுத்தும் பக்தர்களுக்கு அருளாசி வழங்கினார்.

விழாவில், பொற்கோயில்இயக்குநர் சுரேஷ் பாபு, அறங்காவலர் சௌந்தர ராஜன், அறங்காவலர் மற்றும்  நாராயணி மருத்துவமனை இயக்குநர் பாலாஜி, பீடத்தின் மேலாளர் சம்பத் உள்ளிட்டோர் பங்கேற்றனர். 