செங்கல்பட்டு மாவட்டம் அச்சிறுப்பாக்கம் மலையில் ஆக்கிரமிப்புகளை அகற்ற வலியுறுத்தி இந்து முன்னணி சார்பில், காஞ்சிபுரம் மாவட்டத்தின் பல்வேறு இடங்களில் நேற்று ஆர்ப்பாட்டம் நடைபெற்றது.
காஞ்சிபுரம் காவலான் கேட் பகுதியில் நடைபெற்ற ஆர்ப்பாட்டத்துக்கு, புதுச்சேரி இந்து முன்னணி தலைவர் சனில்குமார் தலைமை வகித்தார். ஆர்எஸ்எஸ் மாவட்டத் தலைவர் கோதண்டம், பாஜகமாவட்டத் தலைவர் பாபு, இந்து முன்னணி மாவட்ட செயற்குழு உறுப்பினர் சந்தோஷ் உள்ளிட்டோர் பங்கேற்றனர்.
செங்கல்பட்டு மாவட்டம் அச்சிறுப்பாக்கம் மலையில், சோழர்கள் காலத்தில் கட்டப்பட்ட பசுபதீஸ்வரர் கோயில்உள்ளது. இந்த மலையில் அபூர்வ மூலிகைச் செடிகள் மற்றும் ஏராளமான மரங்கள் இருந்தன. இந்நிலையில், மலையின் இயற்கைச் சூழல் அழிக்கப்பட்டு, பல்வேறு கட்டிடங்கள் கட்டப்பட்டுள்ளதாகவும், அவற்றை அப்புறப்படுத்த வேண்டும் என்றும் ஆர்ப்பாட்டத்தில் பேசியவர்கள் வலியுறுத்தினர். இதில், இந்து முன்னணி, பாஜக, விஷ்வ இந்து பரிஷித், ஆர்எஸ்எஸ் உள்ளிட்ட பல்வேறு அமைப்புகளைச் சேர்ந்தோர் பங்கேற்றனர்.
இதேபோல, உத்திரமேரூர், பெரும்புதூர் உள்ளிட்ட பகுதிகளிலும் ஆர்ப்பாட்டம் நடைபெற்றது.
முக்கிய செய்திகள்
இன்றைய செய்தி
2 years ago