பள்ளி மாணவர்களுக்கு சுதந்திர தின ஓவிய போட்டி :

வேலூர் கோட்டை அரசு அருங்காட்சியகம் சார்பில் பள்ளி மாணவர்களுக்கான சுதந்திர தின ஓவியப் போட்டி அறிவிக்கப்பட்டுள்ளது.

இது தொடர்பாக வேலூர் கோட்டையில் உள்ள அரசு அருங்காட்சியக காப்பாட்சியர் சரவணன் வெளியிட்டுள்ள செய்திக்குறிப்பில், ‘‘அரசு அருங்காட்சியகம் சார்பில் 75-வதுசுதந்திர தின விழாவை முன்னிட்டு பள்ளி மாணவ, மாணவிகளுக்கு ஓவியப் போட்டி நடத்தப்படவுள்ளது. விருப்பம் உள்ளவர்கள் இந்திய சுதந்திர போராட்ட வீரர்களின் ஓவியங்களை வரைந்து வரும் 20-ம் தேதிக்குள் தபால் வழியாக அல்லது நேரில் அருங்காட்சியகத்தில் ஒப்படைக்க வேண்டும்.

போட்டியில் பங்கேற்கும் அனைவருக்கும் பங்கேற்பு சான்றிதழ் வழங்கப்படும். 5-ம் வகுப்பு வரை ஒரு பிரிவாகவும், 6 முதல் 8-ம் வகுப்பு வரை மற்றும் 9-ம் வகுப்பு முதல் பிளஸ் 2 வரை என மூன்று பிரிவுகளாக போட்டிகள் நடத்தப்படும். ஒவ்வொரு பிரிவிலும் முதல் மூன்று இடங்களைப் பிடித்தவர்களுக்கு சிறப்பு பரிசு வழங்கப்படும்.

தபாலில் ஓவியத்தை அனுப்பு பவர்கள் காப்பாட்சியர், அரசு அருங்காட்சியகம், வேலூர் கோட்டை, வேலூர்-4 என்ற முகவரிக்கு அனுப்ப வேண்டும்’’ என தெரிவித்துள்ளார்.