விவசாயிகளுக்கான சிறப்பு முகாம் :

குடிமங்கலம் அடுத்த மில்கேட் பகுதியில் சிறு, குறு விவசாயிகளுக்கான சான்று வழங்கும் சிறப்பு முகாம் இன்று (ஆக.11) நடைபெற உள்ளது. இதுகுறித்து தோட்டக்கலைத் துறை உதவி இயக்குநர் ரம்யா வெளியிட்டுள்ள செய்திக்குறிப்பில் ‘குடிமங்கலம் வட்டாரத்துக்குட்பட்ட விவசாயிகளுக்கான சிறப்பு முகாம் மில்கேட் பகுதியில் இன்றும், வரும் 13-ம் தேதியும் நடைபெறுகிறது. சொட்டுநீர் பாசனம் அமைக்க விரும்பும் சிறு விவசாயிகள் இம்முகாமில் தவறாமல் பங்கேற்கலாம். சொட்டுநீர் நிறுவனங்களும் முகாமில் கலந்து கொள்வதால் விவசாயிகள் தங்களுடைய சந்தேகங்களை நிவர்த்தி செய்துகொள்ளலாம். வேளாண் மற்றும் வருவாய் துறையினர் நேரடியாக பங்கேற்பதால் உரிய ஆவணங்களை சமர்பித்த உடனே சிறு,குறு விவசாயி சான்று பெற்றுக்கொள்ளலாம்’ என தெரிவித்துள்ளார்.