வீட்டில் கஞ்சா செடி வளர்த்தவர் கைது :

விருத்தாசலம் அடுத்த கார்கூடல் தெற்குத் தெருவைச் சேர்ந்தவர் ஆகாஷ் (20). இவர். தனது வீட்டில் கஞ்சா செடி வளர்த்து வருவதாக விருத்தாசலம் போலீஸாருக்கு ரகசிய தகவல் கிடைத்தது. இதையடுத்து, காவல் துணைக் கண்காணிப்பாளர் லோகநாதன் தலைமையில் ஆய்வாளர் விஜயரங்கன் மற்றும் போலீஸார் ஆகாஷ் வீட்டில் நேற்று சோதனை நடத்தினர். அதில், வீட்டில் கஞ்சா செடி வளர்த்து வருவது கண்டுபிடிக்கப்பட்டது. உடனே கஞ்சா செடியை அகற்றி, அதை பறிமுதல் செய்தனர். ஆகாஷ் மீது வழக்குப்பதிவு செய்த போலீஸார், அவரை கைது செய்து விசாரணை நடத்தி வருகின்றனர்.