நீலகிரி மாவட்டத்தில் அதிகரித்துவரும் கரோனா :

நீலகிரி மாவட்டத்தில் கரோனா 2-ம் அலை காரணமாக, தொற்றாளர்களின் எண்ணிக்கை 589 என்ற உச்சத்தை தொட்டது. பொதுமுடக்கம் அமல்படுத்தப்பட்டதால் தொற்றாளர்களின் எண்ணிக்கை மெல்ல, மெல்ல குறைந்தது. இந்நிலையில், கடந்த 29-ம் தேதி 75-ஆக குறைந்த தொற்றாளர்களின் எண்ணிக்கை, ஊரடங்கு தளர்வுக்கு பின் நாளுக்கு நாள் உயர்ந்து, நேற்று 125-ஆக அதிகரித்துள்ளது. அதே நேரம் நோய் குணமடைந்து வீடு திரும்பியவர்கள் எண்ணிக்கை 126-ஆக இருந்தது. தற்போது 858 பேர் சிகிச்சையில் உள்ளனர்.

மாவட்டத்தில் இதுவரை மொத்தம் 29,112 பேர் கரோனா தொற்றால் பாதிக்கப்பட்டுள்ளனர். தொற்றாளர்களின் எண்ணிக்கை கூடி வருவதால், மீண்டும் தளர்வுகள் நீக்கப்பட்டு, ஊரடங்கு அமல்படுத்தப்படுமோ என்ற அச்சம் மக்கள் மத்தியில் எழுந்துள்ளது.