ஸ்டாலின் முதல்வரானால் பல நலத்திட்டங்களை செயல்படுத்துவார் : சிதம்பரம் தொகுதி இந்திய யூனியன் முஸ்லிம் லீக் வேட்பாளர் பிரச்சாரம்

சிதம்பரம் தொகுதி திமுக கூட்டணி இந்திய யூனியன் முஸ்லிம் லீக் வேட்பாளர் அப்துல்ரஹ்மான் குமராட்சி ஒன்றிய கிராமங்களில் வாக்கு சேகரிப்பில் ஈடுபட்டார்.

சிதம்பரம் தொகுதி திமுக கூட்டணி இந்திய யூனியன் முஸ்லிம் லீக் வேட்பாளர் அப்துல்ரஹ்மான் கூட்டணிக்கட்சியினருடன் குமராட்சி ஒன்றிய கிராமங்களான தீத்துக்குடி, வல்லம்படுகை, பெராம்பட்டு, மேலகுண்டலபாடி, சாலியாந்தோப்பு, வேளக்குடி, கடவாச்சேரி, கூத்தன் கோயில்,செட்டிமுட்டு, இளநாங்கூர், அகர நல்லூர், பழையநல்லூர், வையூர், கண்டியாமேடு காட்டுக்கூடலூர் ஆகிய இடங்களில் வாக்கு சேகரித்தார். வாக்குசேகரிக்கும் போது வேட்பாளர் அப்துல்ரஹ்மான் பேசியதாவது:

திமுக தலைவர் ஸ்டாலின் முதல் வரானால் மக்களுக்கு பல நல்ல திட்டங்களை செயல்படுத்துவார். திமுக தேர்தல் அறிக்கையில் கூறப் பட்டுள்ள அனைத்தும் மக்கள் நலத்திட்டங்கள் ஆகும். ஏழை, எளிய மக்களின் உயர்வுக்கு திமுக பாடுபடும். எனவே ஸ்டாலின் முதல்வராக என்னை வெற்றி பெற செய்யுங்கள் என்று தெரிவித்தார். திமுக பொதுக்குழு உறுப்பினர் ராஜேந்திரகுமார், ஒன்றிய துணைச் செயலர் மஞ்சு மற்றும் கூட்டணிக்கட்சி நிர்வாகிகள் பலர் உடனிருந்தனர்.