திருப்பத்தூர் மாவட்டத்தில் : மதுபான கடைகளுக்கு விடுமுறை :

திருப்பத்தூர் மாவட்டத்தில் உள்ள 39 டாஸ்மாக் மதுபான கடைகள் வரும் ஏப்ரல் 4-ம் தேதி முதல் 6-ம் தேதி வரை மூடிவைக்க வேண்டும் என ஆட்சியர் சிவன் அருள் உத்தரவிட்டுள்ளார்.

இதுகுறித்து அவர் வெளியிட்டுள்ள செய்திக்குறிப்பில், ‘‘திருப்பத்தூர் மாவட்டத்தில் சட்டப்பேரவைத் தேர்தலை யொட்டி வரும்ஏப்ரல் 4-ம் தேதி காலை முதல் 6-ம் தேதி இரவு12 மணி வரை டாஸ்மாக் மதுபானக்கடைகள் மூடி வைக்க வேண்டும். அதேபோல், வாக்கு எண்ணும் மே 2-ம் தேதியும் கடைகள்மூடிவைக்க வேண்டும். மாவட்டத்தில் உள்ள 39 டாஸ்மாக் மதுபானக் கடைகள், அதை யொட்டி அமைந்துள்ள 2 மதுக்கூடங்கள், நட்சத்திர அந்தஸ்துள்ள ஓட்டல்களில் மது விற்பனை செய்யக்கூடாது. உத்தரவை மீறி மது விற்பனை செய்வது கண்டறியப்பட்டால் கடையின் மேற்பார்வையாளர், விற்பனை யாளர் மீது குற்றவியல் நடவடிக்கை எடுக்கப் படும்’’ என தெரிவித்துள்ளார்.