தி.மலை மாவட்டத்தில் இன்று மாலை - இறுதி வேட்பாளர் பட்டியல் வெளியீடு :

திருவண்ணாமலை மாவட்டத்தில் இன்று மாலை இறுதி வேட்பாளர் பட்டியல் வெளியாகிறது.

திருவண்ணாமலை மாவட்டத்தில் 8 சட்டப்பேரவைத் தொகுதிகள் உள்ளன. இந்த தொகுதிகளில் போட்டியிட திமுக, அதிமுக, பாமக, தேமுதிக, அமமுக, நாம் தமிழர் கட்சி, மக்கள் நீதி மய்யம், இந்திய ஜனநாயக கட்சி உள்ளிட்ட கட்சிகளை சேர்ந்தவர்கள் மற்றும் சுயேட்சைகள் என 187 பேர் வேட்பு மனு தாக்கல் செய்தனர்.

சுயேட்சைகளுக்கு சின்னம் ஒதுக்கீடு

2 வேட்பு மனுக்கள் மீதான பரிசீலனையில் 145 பேரின் வேட்பு மனுக்கள் ஏற்கப்பட்டன. வேட்பு மனுக்களை இன்று (22-ம் தேதி) பிற்பகல் 3 மணி வரை திரும்பப் பெறலாம். அதன் பிறகு, சுயேட்சைகளுக்கு சின்னம் ஒதுக்கீடு செய்து, இறுதி வேட்பாளர் பட்டியல் வெளியாகும் என தேர்தல் பிரிவு அதிகாரிகள் தெரிவித்துள்ளனர்.