சட்டப்பேரவைத் தேர்தலில் திருவாரூர் மாவட்டத்தில் மொத்தம் உள்ள 4 தொகுதிகளில் 3 தொகுதிகளில் திமுக, அதிமுக நேரடியாக போட்டியிடுகின்றன. ஒரு தொகுதியில் இந்திய கம்யூனிஸ்ட் கட்சியை எதிர்த்து அதிமுக போட்டியிடுகிறது.
திருவாரூர் மாவட்டத்தில் உள்ள 4 தொகுதிகளில் திருவாரூர் தொகுதியில் தற்போதைய எம்எல்ஏவும் திமுக மாவட்டச் செயலாளருமான பூண்டி கே.கலைவாணன் மீண்டும் போட்டியிடுகிறார். அவரை எதிர்த்து அதிமுக சார்பில் ஏ.ஆர்.என்.பன்னீர்செல்வம் போட்டியிடுகிறார்.
மன்னார்குடி தொகுதியில் திமுகவின் தற்போதைய எம்எல்ஏ டிஆர்பி.ராஜாவை எதிர்த்து அதிமுக சார்பில் சிவா.ராஜமாணிக்கம் போட்டியிடுகிறார்.
நன்னிலம் சட்டப்பேரவைத் தொகுதியில் மாநில உணவுத் துறை அமைச்சர் ஆர்.காமராஜ் அதிமுக சார்பில் போட்டியிடும் நிலையில், அவரை எதிர்த்து திமுக சார்பில் ஜோதிராமன் போட்டியிடுகிறார்.
திருத்துறைப்பூண்டி தொகுதி திமுக கூட்டணியில் இந்திய கம்யூனிஸ்ட் கட்சிக்கு ஒதுக்கப்பட்டுள்ளது. அக்கட்சியின் கோட்டூர் ஒன்றியச் செயலாளர் க.மாரிமுத்து போட்டியிடுகிறார்.
அவரை எதிர்த்து அதிமுக சார்பில் வழக்கறிஞர் சி.எஸ்.சுரேஷ்குமார் போட்டியிடுகிறார். தவிர, 4 தொகுதிகளிலும் அமமுக சார்பிலும் வேட்பாளர்கள் களம் இறக்கப்பட்டுள்ளனர். இவர்களில் மன்னார்குடி தொகுதியில் அக்கட்சியின் மாவட்டச் செயலாளர் எஸ்.காமராஜ் போட்டியிடுகிறார்.
முக்கிய செய்திகள்
இன்றைய செய்தி
2 years ago