திருவண்ணாமலையில் நேற்று நடைபெற்ற மதசார்பற்ற முற் போக்கு கூட்டணி ஆலோசனைக் கூட்டத்தில் திமுக வேட்பாளர்கள் 8 பேரும் அறிமுகம் செய்து வைக் கப்பட்டனர்.
மதசார்பற்ற முற்போக்கு கூட்டணி ஆலோசனைக் கூட்டம் திருவண்ணாமலையில் உள்ள மாவட்ட திமுக அலுவலகத்தில் நேற்று நடைபெற்றது. முன்னாள் அமைச்சர் எ.வ.வேலு தலைமை வகித்தார். மாவட்ட அவைத் தலைவர் வேணுகோபால், பிச்சாண்டி எம்எல்ஏ ஆகியோர் முன்னிலை வகித்தனர். மாவட்ட பொறுப்பாளர் (வடக்கு) தரணி வேந்தன் வரவேற்றார்.
கூட்டத்தில், திமுக சார்பில் போட்டியிடும் வேட்பாளர்கள் பிச்சாண்டி (கீழ்பென்னாத்தூர்), கிரி (செங்கம்), சரவணன் (கலசப்பாக்கம்), சேகரன் (போளூர்), அன்பழகன் (ஆரணி), ஜோதி (செய்யாறு), அம்பேத்குமார் (வந்தவாசி) ஆகியோரை அறிமுகம் செய்து வைத்து தி.மலை சட்டப்பேரவைத் தொகுதி வேட்பாளரும், முன்னாள் அமைச்சருமான எ.வ.வேலு சிறப்புரையாற்றினார்.
இதில், மாவட்ட காங்கிரஸ் தலைவர் அண்ணாமலை, மார்க்சிஸ்ட் கம்யூனிஸ்ட் கட்சி மாவட்டச் செயலாளர் சிவக்குமார், இந்திய கம்யூனிஸ்ட் கட்சி மாவட்டச் செயலாளர் முத்தையன், விடுதலை சிறுத்தைகள் கட்சி மாவட்டச் செயலாளர் அம்பேத்வளவன், இந்திய யூனியன் முஸ்லிம் லீக் கட்சி மாவட்டச் செயலாளர் முகமது அலி, மனித நேய மக்கள் கட்சி மாவட்டச் செயலாளர் கலிமுல்லா, மதிமுக மாவட்ட பொறுப்பாளர் கார்த்திகேயன் உள்ளிட்ட கூட்டணி கட்சிகளைச் சேர்ந்த நிர்வாகிகள் கலந்துகொண்டனர்.
முக்கிய செய்திகள்
இன்றைய செய்தி
2 years ago